Tawnmang Lasi (Mizo hla thu)

Phuahtu: Saitluanga

Hmasang an hril hrangmi iang-in,

Zawl nu Lasi leng tin khumin;

Tawnmang lamah ban vuanin,

Khamrang kan lo kai a;

Hril ka thiam nem maw anka-in,

Daifim vur leh thingsiri par;

Arkai thlapui eng pawhin,

I sakhmel a iang zo lo!

Aw, cham rih la zawlnu Siali,

I dungthul reng he lei chinah;

Ka tawng lo’ng e kumtluang pawhin,

Nghilh i har dawn ngei e,

Theihchang ve se nang chelh nan chuan,

Zantiang siar leh chhawrthlapui;

Dang kir nange vanchung sangah,

Tawnmang ti sei tura’n.

Zankhua a rei lo ngei e maw!

Zawlnu nang nen tawnmang lamah;

Chhawlthing hnuiah sakhmel

Sensiar, ‘Nui mawi’ tling la,

I liam ta maw, zingtianah;

Baw-ar zai ri kar min dangtu,

Theih chang ve se kumtluang thai;

Ka tan chang ve teh la.