Rohlu Ka Nei, Lawmna Thuruk (lyrics)

Phuahtu: Dr. Ramdinthara Sailo

Key: G

Rohlu ka nei, lawmna thuruk,

Ka thinglungah lui angin a luang;

Chatuan ram thleng pawhin a kang lo vang,

He khawvela mi’n an nei si lo.

      Isu, tui nung lui I ni,

      Nun tui hala chau tan, in tur tak I ni;

      Ka tuihal tawh lovang,

      He khawvelah hian,

      Ka nunna atan Lalpa I tawk a ni.

 Nitin ka nun min siam thatin,

Sual bawih ata min chhandam ta si;

Min hruai thin, ni tinin felna kawngah,

Thlarau Thianghlimin min zirtir thin.

Hmangaihnaa min zawng hmutu,

Chatuan pawhin ka phatsan lovang;

Ka rul seng chuang lo ve, I thahna hi,

Ka neih, nunna nen I ta ka ni.