Phung-rual an tin ang a Lyrics

Phuahtu: Laithangpuia

Phung-rual an \in ang a,

Vanduai kan run \ahnaah hian;

Ka awmhar lungngaih chhum a lo zing ang, Lalpa,

Ka ngai dawn em a che.

Vanduai min awmpui la,

I ram thianghlim thleng ni mah se;

Lei mihrin chhung hianin ka ngai thiam lo,

Ka Lal lunghnem, tuar har min dawnpui rawh.

Lungduh an liam ta a,

An sulhnu lei awmharah hian;

Fam ngaih tinkim dawnin, \apin tlai-ni ka leng,

Ka riang lua e, Lalpa.

Tlai tla har ti ila,

Zan khua hrui ang a sei leh si;

Fam ngaih zunleng tuar chuan chin lem a nei lo e,

Ka zam ral awm mang e.

Zing zin theih chang sela,

Thlafam \umkawng tluanglam zawhin;

Tuai duh lawm lai chan chu, lung kan rual ngei ang a,

Fam khuaa zin tumin.