Khawvel zawng zawng chungah hnam tinrengte Lyrics

Phuahtu: Saihnuna

Khawvel zawng zawng chungah hnam tinrengte,

Vangkhua kan lenna zau mah sela;

A mawina leh ropuina nen chuan,

Ni tin, kum tin an ral zel thin.

Hetah khawhmun nghet kan nei si lo a,

Khaw lo la awm tur chu kan zawng zawk a;

Khawpui chul lo,

Hmun ralmuang chu.

Chu khawpui mawi pan chuan i kal ang u,

Khawvel thilte kalsan zel ila;

Khawpui thar, par ang vul, chuai ni nei lo,

Kan thlen hun chuan lawm a kim ang.

Beramno, Lal lenna khawpuiah chuan,

Lungngaih, lu-sun leh natnate pawh;

Mangan buaina leh inthennate nen,

A awm tawh lo’ng, khawpui mawiah.

Aw, fam zawng an liam zo, lei hnuchhawnin,

Rolung an zalna chauh kan nghak e;

Lalpa khawui siam thar an thleng ta e,

Khaw hlun, chatuana ral lo tur.