Phuahtu: Denghlira
Doh:A
Van hmun ropui pelin,
A lo kal sualna karah;
Khawvel hrehawm a tuar a ani,
Aw, ka Lal, i va riang em ve aw!
A pianna tlawm mah se,
Ka Chhandamtu a ni;
Chawimawi nan a hla i sa ang.
Khawvel a hmangaih a,
Chungnung ber a inngaitlawm;
A hmangaih a zau em e,
Fak rawh u, Haleluia, Amen!
Lei anchhe dawng hnu hi,
Chatuana nunna min pe;
Van khua nen lung kan rual ang a,
‘Rem leng se,’ tiin kan zai tawh ang.
Lalpa hmangaihna hi,
Khawvel hmun zauvah puang r’u;
Lei anchhe dawng tahna ram hi,
Hmangaihnain lo khat thuai rawh se.
2 Comments
Denghlira hi pachuau hnam a ni a.Lunglei Zotlang khua ami a ni.kum 1969 ah Khan he khawvel hi a lo chhuahsan tawh ani.Denghlira pa chu Denghulha a Nia, a nu chu Chawngpuilali a ni.
ReplyDeletekan hlawkpui hle mai, hetianga kan hriat loh lam min share sak thei te chungah lawmthu kan sawi zel bawk e..
Delete