Lung Rualpui turin (Lyrics)

Phauhtu; V.Thangzama

Key: C

Thilsiam tinreng, tunhma tunhnnu ka thlir a,

An awmdan rengah chuan an mawi ka ti;

Hringmi zaleng thil siam engkim chunga leng,

An mawi ka ti, suihlung an rual ni chuan.

Sem sem dam dam, Ei bil thi thi an lo ti,

Lak aiin pekin lunkhawng a nei;

Mahni sanah zaleng tlang tina tuante,

I saawm ang u, lung tin rualpui turin.

Lalthutthleng tunge thut hlen lo tum le?

Ram dang chunga inhrawt lal tumtu chu;

A tawk tein Khuain a rel an lo ti,

Tupawh mai hian talent bik kan nei si.

Lei lalte u, pian in murna bih chiang r’u,

In lem chuang lo Adam thlah tho in ni;

Chi intih bing, tualthah , mangan thlabar nen,

Mahni hmasil vang mai a lo ni e.

Aw hnamte u, mi ngo, mi eng, mi dumte,

Inpeng tawnin tapte tahpui ula;

In tel lo chuan pumkhat zai kan rel thei lo,

Relthang chhumpui zawng chu vai kiang rawh u.