An lungleng ve ngei ang (Lyrics)

Phuahtu: R. Vanrammawia

Key: D

Awm khawhar changin ka dawn vel thin a,

He hringnun par ang vullai ni te;

Mual min liam san thin kan hlim ni te’n,

Hmanlai an chang zo, nghilh a har ngei.

Lenrual duhte nen hlim tein,

Zai tin kan vawr lai kha;

Ka ngai thin e, thian te kha,

Kan len-na a dang zo ta si;

Ka hming an hriat chhuah chang-in,

Kan nun dan thin an dawn kir ve ang a;

An lung a leng ve ngei ang.

Han hawi vel hianin tlang tin dam duai,

Thal romei zing riai lenkawl eng nen;

Chhemdam thlifim leng thinghnah nem nen,

Nungcha hram thiamte’n min ngaihtir thin.