Pathian angchhung thianghlimah

  Key:B                                  Lettu: Thanga

Pathian angchhung thianghlimah chuan,

Thihna fate an chawl ang;

Mak an la ti hle ang, ‘tah chuan,

Hremhmun meia an chhuahna.

Pathian fakna, ]2

Vanah a tawp tawh lo ang. ]3

Sual laka a tlan vnag khanin

Chhandamtu Lalpa Isua’n;

Chatuan hmun nuam an thlen hunin,

Zaiin an fak fo ang a.

Tingtang tumte, ]2

Vanah a tawp tawh lo ang ]3

Mihring thinlunga lut ngai lo,

Mit hmuh loh, beng hriat ngai loh;

Lalpa’n a hmangaihtute tan,

A buatsaih kha an chang ang.

An nunkhaw nawm, ]2

Kumkhuain a zual zel ang. ]3

Pathian hmaah puan var sinin,

Chhun zan zawmin an awm ang.

Riltam, tuihal tuar tawh loin,

Nuam zawng zawng an nei reng ang.

Hrehawm reng reng, ]2

Chatuanin an tuar lo ang. ]3

Jerusalem thar nuamah chuan,

Thih leh nat, lusun, thlaphan;

Mangan leh hah hre tawh lo chuan,

An ning lo’ng, ennawm thlir fan.

Lalpa hmangaih, ]2

Bang loin an fak fo ang. ]3