Key: G
An va hlu em, thilnung tinreng,
Tlang tin mawia lungrualin;
An zai van Lal awiin khawvelah,
Aw, Lal ropui ber tiin an zai.
Aw Halleluia, chungnung ber,
Lei hmun khawhar leh i sulhnu ram rehah hian;
Nangmah ngaia chauvin an rum e,
Lo leng rawh, rinpui ber Lal Isu.
Ka nun chhung lei thim zingah hian,
Ka au zel ang Chhanfantu;
Thlen hlan ka ngakhlel, nun tawp lo ram,
Lo eng rawh, chatuan kumhlun ram chu.
Dam lai ni kawlah liam mahse,
Ka nghah Kanan khawpui chu;
A lo eng ang ni tla seng lo ram,
Lawm a kim tawh ang, Lallukhum nen.
Lal lenna zion ralmuangah,
Aw lei leh van Lalpa chu;
‘Halleluia’ tia zai zelin,
Angel nen Lalthutthleng din hualin.
1 Comments
Chang 1 na tlar thumna 'khawvelah' tih khi a phuahtu phuah dan chuan 'khua velah' 'around the village' tih zawk a ni e. "Ṭhangthar chuan khawvel tihna emaw an la ti ngei ang" tiin a phuah lai pawn a sawi a ni awm e.
ReplyDelete