Aw, ka thinlung awm khawhar leh Hla Thu

Phuahtu: Patea

( Hrai sunna )

Aw, ka thinlung awm khawhar leh

Lungngai fawn velin;

Lo kir leh la, chawi lai par ang,

Vul leh ang che, aw mual liam suh.

Aw, hnutiang mual liam

Ngaih ni a zual leh thin;

Kan lungduhte van sang karah,

Angel var nen tual an leng e.

Zai tin ka chhiar, suihlung lenga

Mual tin hawi velin;

Ka tuai du lai, ka nau riang te,

Chham ang i zalna khawiah nge?

Chhung kim lenrual zate'n nau ang

Kan nuih lai zawng kha;

Dawn chang ni hian tuar har kan ti,

Khua romei ang a zam ral ta.

Biak theih chang se, a zua run rem,

Thangvan sangah khian;

An Chhandamtu thla zar hnuaiah,

Ngai ve ang maw, a chhun, chawitu.

Khua a lo var leh ang, Lalpa,

Ka au zel ang che;

Fam ngaih awmhar suihlung ruala

Kan len hun tur, aw ka nghakhle.