Phuahtu: Ngurhluna
Tlang hri emaw cham kan runah, vanduai kan tah nan?
Kawlah awmlai a lo lian e, ka dang zo lo e;
Bilh-puan khumin, tapin ka au,
Aw, hnutiang min chhawn e.
Piallung an rem, piallung an rem, thlafam zalna,
Chhimhlei tual daiah;
Par ang lawm lai tlai-ni a tla,
Vanduai run hi thim khua a zing zo e.
Tap tap ila ka riang lua e, dairial chang tawh hnu,
Pialral-ah ar ang an ngam ta, kir an rel lo e;
An kal zel e, chawlhna ramah,
Lawmin zai an rem e.
Lung min len e, ka thlir ning lo, hringhniang tual lenna,
Pawl ri riaia romei chhum leh buaina ram piahah;
Tual an leng hring nun ngai loin,
Aw, ka ngai bang thei lo.
0 Comments