Sual Thim Thuk Taka Pila Ka Bo Laiin (lyrics)

Phuahtu: Dr. Ramdinthara Sailo

Key: F

Sual thim thuk taka pila ka bo laiin,

Beidawng leh chauvin ka rum thin a;

That tum thei si lo, chakna reng nei lo chu,

A hmangaihnain min zawng hmu ta.

      Kei ang mi suala tlu,

      Chhanchhuaktu ngaite tan;

      Sualna tlengfai a, khawlohna ngaidam thei,

      Ka Pathian niawm reng I ni si.

Pathian thianghlim, bawlhhlawhte tlengfai theitu,

Kan ral hmang mei, khawngaihnaa khat si;

Diknaa rorel, khawngaihna tawp ngai lo,

Ka Pathian niawm reng I ni si.

Dam lai hring nun lamtluang ka zawh mek laiin,

Bawhchhiat leh chauh changte awm mah se;

Chak lote thian, Engkim tithei Lalpa chuan,

Chatuanin min hruai dawn tih ka hria.