Lungngaih tah leh buaina ram hi

Phuahtu: Hrangkunga

Lungngaih tah leh buaina ram hi,

Pelin, lala ram mawi an lenna;

Ka pan zel ang, sual thim zingah,

Min lo kai la, i eng zam velah chuan.

Ka kawng thim tak atang ianin,

Ka ngai e, thlir zelin ka kal ang;

Aw, chu ram mawi nuamah chuan han leng ila,

Ka khawvel nun reng hi ka ngai tawh lo'ng.

Aw, i hmelah lawmna rim tui,

Ka lawm lai a lo chul zo ta e;

Kar mah hle se, duh te'n laitual

An lenna chul lo turin min hnem la.

Aw, en teh u, tlan sate chuan,

Zaiin an awi e chu hmunah chuan;

Hmangaih Lalpa siam Salem kulh-

Pui chhunga leng leh mi thianghlim zawng nen.

Hmangaihte u, chu hmun ngei chu,

I pan zel ang aw, chu hmunah chuan;

Van mite khian puan var sinin,

Kan lenna ram hi an thlilr ning lo e.