Hnam ka len nuam mang e Hla Thu

Phuahtu: Sakeia/Laithangpuia

Hnam ka len nuam mang e,

Hmuh theih e doral ang hian;

Awmlai lianin hring nun par mawi,

Vul lai a thliak mai ta si a.

An hruai lui ta, ngui rii riai sakhmelin;

Nimahse, Zion an thlen chuan,

Lamw takin nunna thing parte an tlan ang.

Ung ka duh par mawi te,

Tawn leh ni a awm tawh lo’ng;

Thlafam lungrawn mual an liam ta,

Van mi an chang mai ta si a.

Tlai ni tlaka kan lawi kumna run hi,

Ka lum zo lo, a ngui ruai e;

Min hnem thei lo, ka lenrual lungduhpawhin.

Kei mi ngai lo nang e,

Thihna lui ral ramah khian;

Lei hnutiang hhawn ta ni mah la,

Ngaihlung kan her thei dawn nem maw!

Zion Lal Nunnem ka ngai nak laiin,

A hnenah lungduh an cheng ta;

Lung min len, ka tap chhun tlai-ni ka lenin.

Aw, ka zan tlai tawnmang

Lo ni se, thlafam ngaih chu;

Bawhar lungfingte’n min tho se,

Zing engah thang mai teh ila.

Kim lai chhungkhat kan awm ngai te kahin,

Laikhumah lo zal hmun ila;

Lawm takin hmangaihte’n ka chul leh ang e.