Phuahtu: Suakkhuma
Dardawi ka zuat lai thlafam rial tui a chang,
Lungngaih a zing, zantiang khua alo tlai;
Ka tap hliap ral kai e, Thlafam ngaiin,
Tapin zai tin ka chhiar, lunglai hi a zing riai e aw.
Ka ngai van chung khua chu ka ngai e,
'Tah chuan lungduh an leng rual e;
Puan var sinin, an Lal ropui fakin,
Zai an rem e, zai an rem e.
Ngai ing e, thangvan Salem thar ngai ing e,
A riang chun chawi loh duhte'n par ang an vul;
Chu rama lengte chuan hnutiang ngaiin,
Suihlung an chhir ngai lo, hring nun hi an ngai tawh lo e.
Ri tlang a ohei duai, rauthla leng an kaina,
An kal zel e, van sang khua chu an thleng;
Van kawtthler an fang rual, Beramno chuan
Ann hma a hruai zel e, ka tuai chu a tel ve ang maw!
0 Comments