Phuahtu: Upa Thanherha
Awmlai lengin tlang tin a fang,
Vanduai keini kan run chhungah;
Ka tuai duh chawnbanah a kai,
Lungngaih chhumpui ka tan a zing.
Tapin zai tin ka chhiar,
Sumtual ka hawi vel a, ka tuai a leng lo e;
Bawihte, khaw’nge i awm?
Aw, hrilh ka hai mang e.
Chhung kim taka dar ang lenna,
Khawtlang suar ang a chim si lo;
Ami hrai chawi tualah an leng,
Ka tuaiin piallei thim a ngak.
Lenglen ni hian zin theih chang se,
Chinlai lenna vangkhua pelin;
Thladam vangkhua engtin awm maw!
Hmuh ka nuam e, ka hrai lenna.
Fam khuaah mu ang i leng ta,
Sen nau ang nuihna run a dai;
Bawihte, i sakhmel leh anka,
Aw, nghilh a va har dawn em ve!
0 Comments