A va kiam sawt ngei em lyrics

Phuahtu: Rev. Thangngura

A va kiam sawt ngei em, kan khawvel dam lai ni tawi te hi;

Lawmna par an chuai zo leh dawn ta.

Kan inthenna turin lenkawlah ni a lo eng ta e;

Inthen lohna ram ka va ngai ve maw!

Inthen lohna min hrilh ram mawiah chuan,

Kan unau te hian kan la chawl ang a;

Kan vengtu Lal Krista

Kan Chhandamtu lawmna ke bulah,

Lungngaih a bo tawh ang.

Khawvelah hi chuanin tapin rumin vakvai mah ila,

Buaina ralah khian ram mawi a awm;

Kan Chhandamtu Krista zuia kan nun kan lo phal ve chuan,

Chu ram mawiah chuan kan la chawl ang a.

Lawmna par vulna hmun Chhandamtu Krista lenna hmun chu,

Ngaiin ni tinin kan han thlir a;

Van Angel varte leh kan rual hlui kan then takte ne khan,

Eng tik nge lawmin kan inkhawm ang le?

Kan unau te hianin kan Lal tan i thawk ang ning loin,

Hun hi ni tinin a kiam zel a;

Zing Arsi mawi ropui chu a lanna hi a hnai ta e,

Thawh rim zawha kan la chawlhna tur chu.

Aw, ka Lal Chhandamtu kan lawmna parah Nang lo vul la,

Khawvel lawmna par a chuai zo ta;

I hmelah hi chuanin lawmna tinreng hi a lo lang khawm,

Lawmna parte, Saron par mawi i ni.