Phuahtu: Kamlala
Ngaih zawng an liam zo e,
Dam lai khawvel an pel;
Fam khua an thleng ta e,
A ngaiin kan tap e.
Aw, keini min ngai ang maw!
Zamual an liam ta e;
Duhlengte zawng zawng,
Tawnlai ka nuam mang e.
Lungngaih chhum a zing e,
Kian ni a nei dawn lo;
Vangkhua a ngui zo ta,
Tuar a har kher mang e.
Nuamin an leng emaw,
Tapin an nuar emaw;
A riang fam ngaih chu e,
Nuih zai kan rel lo e.
Ka tah nan ram zau e,
Tuar a’n vanpui a chim;
Ngaih aw, lo kir ula,
Tah lai ka bang ang e.
Aw, luaithli nul ila,
Tapin au zel ila;
Van khua an zawng ta e,
Thinlai a riang mang e.
0 Comments