Phuahtu: Rev. V.L. Kappu
Ka va ngai em! Kan chatuan ram
Leh lung man tam kawpui chu;
A chhip zum chu,
‘Ni eng aiin a eng zawk’ an ti;
Hmuh ka nuam e, Lalpa run rem,
Van mite lenna.
Van in mawi pana kalna chu,
A sira lengkir cangin
Boral ka hlau;
Kei ka sual a, ka chak si lo a;
Van kanan ram mawi ropui chu,
Chan ka va hlau em!
Lalpa, i thlarau hruai loh chuan,
Tu nge lo thleng thei ang le?
Khawvel ram hi,
Thlarau boralna ram a ni si;
Ringtute chungah, aw, Lalpa,
Sualin thla an zar.
Hnehtute chu an Pa ramah,
Ni ai pawha eng zawkin,
An la leng ang;
An khawvel lungngaihna leh buaina,
An lawmna turin an par ang,
Chuai ni nei loin.
Len ka nuam ngei van run-puiah,
An chatuan chawlhna tur chum
A va mawi em!
Ka Lalpa’n a siam Salem khawpui,
Leng ve ila, keini pawh hi,
Lungngai tawh loin.
0 Comments