Ka dilloh zawk malsawmna(Lyrics)

Satu: HD Lalthanpari

Ka Lal remruat dan hi a va mak em!

Ka hrethiam phak ngailo,hmangaihna awmzia hi;

Hausakna ka dilin retheihnain min bawm a,

Hlimna ka dilin lungngaih chum ka tan a zing;

Hriselna ka dilin bawrhsawmna-in min bawm.

Ka Lal remruat dan hi a va mak em!

Hringnun atanga hriatthiam chi a ni lo ve,

Ka retheihna hian ka Lal hmel min hmuhtir thin a;

Ka lungngaihna hian ka lawmna tur min entir,

Ka bawrhsawmna hian ka Lal min ngaih zualtir thin.

Ka dilloh zawk malsawmna ka chunga Lalpan min vur a,

Ka tana tha tur zawkin ro min relsak;

Chatuan nun kawng zawhna ngei chu,

Malsawmna hlu chatuan malsawmna.

Ka Lal remraut dan hi a va mak em!

Ka mihring rilru ngaihtuahna hian a phak lo;

Remhriatna ka dilinka ngaihtuahna a buai thin,

Dawhtheihna ka dilin, thinurna alo thleng,

Chawimawi ka dil laiin hmuhsitna ka dawng thin.

Ka Lal remruat dan hi a va mak em!

Hmangaihna vanga ka tan ro a rel dan hi;

Ka buaina hian chatuan kawl eng min hmuhtir zawk a,

Thinura ka awmin dawhtheih dan min zirtir;

Hmuhsita ka awmin a tlawmlai hmel ka hmu.