Itan ka lo kir leh(Lyrics)

Phuahtu: CFL Hmingthanga

Thalfavang tur ni nem duai kei ka lung min len e,

Lanu leng dang ka chhai vanga nun khawhara beidawng hnu;

‘Ka hmangaih ber che’ tia min au tu,

Hei maw suihlung chhirin, ka rawn pan leh che

Aw i thinlung kawngkhar ka tan hawng leh rawh

I tan ka lo kir leh, ka lam lo hawi leh rawh ka thinlung dam nan,

Kei vanga zan mut chhing lo, nun khawhara beidawng hnu;

Hmangaihna kutin ka lo chul dam na’ng che,

Lei leh van a ral hma chuan, i an ka rimawi leh

Aw, I hmangaihna chauh(aw) ka tan a tawk.

                                                                  

Hmangaihtu der vangin maw, nang hnutiang ka lo chhawn che,

Dawnin suihlung ka chhir ngei e, engtin min lo ngai ve maw?

Aw I thinlai na tur reng hi dawn lo hian,

Mualzapui kar danah sam ang ka lo then che

Mahse maw suihlung chhirin ka lo kir leh ta.

I hmangaihna thlazar hnuai belh leh zai ka rel ta e,

Nang chauh hi ka hma ngaitu leh ka lung min dum tu;

Lungngaih ni pawha min tuarpui thin tu,

Suihlung ka chhir bangle tinkim ka dawnin

Engkima ka engkim chu nang I lo ni e.