Aw, ka chhandamtu, Lalpa Lyrics

Phuahtu: Patea.

Aw, ka Chhandamtu, Lalpa,

Lungngaihna thla zar hnuaiah;

Buainate’n ni tinin min bawm,

Min lo kai zel ang che.

Rethei nau-fa ka ni,

Nangin min kalsanin;

I siam Salem khawpui,

Ka thleng zo ve na’ng emaw!

Khawvel hrehawmah hian aw,

Hnung lam thlipui lo hrangin;

Ka Kulhpui leh ka Chhandamtu,

Min kalsan suh ang che.

Kanan kalkawng lamah chuan,

Jordan lui min hruai kai la;

Thlaler kawng ral hlauhawmah hian,

Hmun ralmuang min thlen la.

Zion, i tlang chungah chuan,

Lungngaihte’n chawlhna an hmu;

Kei pawh i tlang hlimna ramah,

Nuamin ka leng ve ang.