Aw, Lalpa, lungngaihna ka khat thin, Lyrics

Phuahtu: Laibata

Aw, Lalpa, lungngaihna ka khat thin,

Vanduainate’n min hual vel a;

Tah leh rumna thlalerah hian,

Mittui nen ka rawn zawng ve che.

Aw, ka Lalpa, ka lungngaihna hnemtum

Nang lo chu laina ka nei lo;

Tu hnen dang nge ka rawn pan ang,

Nang chauh ka hma ngaitu i ni e.

Lungngaih chhumpui ka tan a zing thin,

Lal David-a himna kulpuo’

Kei pawh min hliahkhuh ve ta che,

Sual riangvai fa, ka lo kal ve e.

Hmaah Kanan ram dung leh vangah ,

Lungnga fate i hnem thin a;

Rethei fate’n i hmel an lawm,

Kei pawh ka lawmna ber i ni e.