Zun Phur thing tin par (Lyrics)

Phuahtu: Damahauva

Key: C

Zun phur thing tin par leh khawtlang li liai,

Han hawi vel ila tahzai mi rel tir e;

Ka dawnin suih lung a leng e,

Khua rei ka ngai ngam lo ve.

Tlang tin awi lelte a kiu ve,

Zun ngai riangte ka tah nan mual,

Rihnim tlang li-liai.

Pi pu sulhnu hnam tin lunglai kuaitu,

Tiaupui chhum leh khawtlang romei zam karah;

Dawntuai thlekna khaw chul ram leh-

Dawnlung nau ang nuihna.

Ka hawi ngam lo, lung a leng e,

Ka ngai e hlim lai ni kawl a,

Liam ka phal lo ve.

Awmhar tinkim dawna rumte zawng chu,

Zawt vel ila’ngin engtin min chhang ang maw?

Kei zawng fam zun ngaih leh khawtlang

Lunglen ka phur zo lo ve.

Hnutiang hmatiang ka dawn changin,

Dartui ang ka luang ral tur hi;

Lung a awi lo ve.

Zawtin hrilh theih chang se chungleng huiva,

Berhva hram thiam thing tin zar awi lelte nen;

Zun ngai chhawl ang uai ve ang maw?

Hril za i lunglen hi.

Kei zawng nau ang tlei ka rel lo,

Tapin khawvelah ka rum;

Zion thlen hma loh zawng.