Zoram ka ngai bawng lo ve (Lyrics)

Phuahtu: Kaphleia

Key: G

Chung Pathianin lei chung, ram tin hmun tin hi,

Hnam tin naufa za len nan siam mah se;

Hringnun lungmawlin mahni sumtual ngaiin,

Kei ka chan zoram ka ngai bang lo ve.

Ka ngai zual thin kan Zoram nuam,

Anpai khau lian a hneh chuan;

Hun thar par ang lo vul chang hian,

Hnutiang mual liam ka au thin.

A thenin Africa, a thenin vur ram,

A thenin tuifinriat thliarkar kan ngai e;

A thenin phaizawl, a thenin tlang ram,

Kei ka chan Zoram ka ngai bang lo ve.

Ka tawng lo ve nang anga ram engthawl hi,

Bumna leh ruknain a rel lo che;

I tlang chhipah Siamtu fak dar a lo ri,

Kei ka chan Zoram ka ngai bnag lo che.

Aw Zoram, ka thinlungin ka hmangaih che,

Ka theihna leh finna i tan ka pe;

I retheih, chhuk-chhoh har miten sel ah se,

Kei ka chan Zoram, ka ngai bang lo che.