Phuahtu: Zosangliana
Key:A
Hun te an liam a, thangthar kan fing,
Pi pu nun hlui sirah kan hnawl;
Thlang Sappui mi ril nun thar leng kan awi,
Ze hrang vangkhua kan chuan kawrvaiah,
Zirna run hliapah kan chuang kai za.
Laisuih tuahrem lai chhung kan han hawng,
Thaikawi ziahtial dar ang a chuang;
Anka thlum leh finna biahthu a zam,
Cham rawh rianghleite kan thlunglu-ah,
Mi ril nun te iang kan zawh nan.
Kawlvalenvhham za tlang dan karah,
Chhung kim dar ang kan leng der na;
Nghilh a har Zofate tual kan lenna,
Tukram ngaw leh Fiaratui luanna,
Sen lai nau ang run kan pianna.
Ze hrang lai ni thang run in lumin,
Zan mu kan chhing, hai ang kan thang;
Thing leh maurua, hrualhrui phu leng tuah run,
Ka thlang che Sappui run lian ai mah,
Va riah lei ang i lum chuang e.
0 Comments