Zan Lalnu (Lyrics)

Phuahtu: Roliana Ralte

Key: C

Chhak lenkawlah chhawrthla hai ang thovin,

Khawvel zan thim eng mawi rawn hawnin;

A her sang zel aw, a eng mawi zel,

Hringfa leng tan thlir nin a har ngei,

Nungcha leng paw’n an thlir ning lo’ng che,

Hlimin an zai i eng mawi lawmin;

Par mawi tin leh Siahthing vul zawng paw’n,

I hlip hnuaiah tuan tul an rel e.

Chhawrthlapui, aw zan lalnu,

Malsawm tin phurtu ni la;

Hringfa tan ruahtpui ang surtir rawh.

Awmhar lungvaite tan erawh zawng,

Siamtu nghilhin tah ruai a awl ngei ;

Dawnlungrukah nun hlui ai ang cham,

Puan ang tithar lehtu zawng i ni.

Min dem lo la hmanah chuanin e,

I hliap hnuaiah nau ang nui zain;l

Lungduhte nen zankhua hrui ang kan tawi,

Tunah erawh i her chhuahpui si lo.

Mahse zanmu i chhing rei thin em,

Zan thim nunrawng lal lai a lian thin;

Khartung sawn zai reng kan zuam nem maw,

Lung damtea zan mu chhin a har thin.