Zai leh lamin (Lyrics)

Phuahtu: K. Chhawnthanga

Key: G

Hmana pi pu lenlai ka dawn changin,

Vangkhaw lanu val rual zaleng zawngte;

Lusun, chanhai, riangvai, rethei zawngte,

Hnem leh tanpuiin zan mu an chhing ngai lo.

Ngaih man an awm riang hleihluante’n,

An angchhingah hlim leh lawmin an leng vel a;

An thlazar hnuaiah lusun, rethei fate,

Thlamuang, hlim leh lawmin zan mu an chhing ve thin.

Fam chang huaisen, tlawmngai Taitesena,

Vanapa, Chawngbawl, Khuangchera, Neuva;

Thang leh tharte’n in sulhnu rawn zuiin,

Thawh lai kan bang lo, lusun retheite tan.

Zo nun timawi turin lanu, val rual,

Tlang tin YMA te’n kal lai kan rel;

Kan ram kan hnam timawi zual zel turin,

Chawl hman kan ni lo, lusun retheite tan.

Sakhming dai lo par mawi YMA hi,

Zai leh lamin kan awi che rual kimin;

Thang leh thar tan par vul zel ang ce,

Chuaiin liam lul suh, lusun retheite tan.