Phuahtu: Lalmama
Key: C
Thlung lu vau anga vul tawh khan,
A thai a hau an tih chu;
Chham ang i zal tuan rel lovin,
I thawh let thum ka thawk e.
A thai a hrang diau nil lovin,
Tukram ka tuan na’ng e khai;
Zing sum su la, bawng lo sawr la,
Kawltu kei ka chawi na’ng e.
Vawk chaw pe la, ar lo lawi la,
Tahpuan pawh lo khawng ang che;
Ka liam ta’ng e zalam tuanna,
Saw ral sawmfang dum dura’n,
Zamual a liam ka pite chu,
Hnutiang lam hawi lek lovin;
Thinlai a vai, awi maw ka pu,
Thaibawih siam a tum run e.
Baltin a khai, hruizen a keng,
Kawm kun a chuh ka pu chuan;
Seni a hling, Dumi a zawng,
En teh saw, a sawr dawn e.
A niam lo vve, thlunglu a lei,
Ka pu sirah a hnawl e;
Sir tin a hawl, pheilai a vawr,
Leiah a khengthlu der e.
Suihlung chhirin ka pu pui chu,
In chhung a lut ze thul thul;
Laikhum a zal tinkim, a dawn,
Arva run sang an vai e,
A thai hawng e, a hrang zual e,
Relthang ka dawn zo lo ve;
Ka dem lo che, ka dem lo che,
Tui ang kei ka nem duai e.
0 Comments