Phuahtu: Zirsangzela Hnamte
Key: G
I sakhming sawi leh tah lai ka bang thei lo,
Tufa chawia damchhung kan tih lai a,
Ti maia zo chhum ang sara i zam ral hi,
Ka tuar thiam lo i thai suihlungmawl mai hian.
Aw hnemtu ka ngai em ve aw,
Famzun ngaia damchhung ka hmang tur hi,
Fur leh thal lo veiin partin an vul leh a,
Thinlai tharin fam ngai tah a tul leh thin.
Tuan tul vanga thangvan sang i kai ni khan,
Kar llovah sul ang hawn min tiam a,
Mahse kan nghah ni che a rei ta lua e,
Run in chhung leh kan nun kawl ang a ngui zo ta.
Sul ang gawng tur kan nghah ni a rei ta em mai,
Sikni liamin tuangtuah an vul leh ta,
Chhungkim te-a dar ang kan lenna run nuam pawh,
Ngai chungin mittui nen then a lo tul ta.
Murva iang i lenna ka chung thangvan sanga,
I lenrualte mu ang leng thlir in,
Suihlung a vai em mai khawi a’n tuan ve che maw,
Min han thlir ve che maw rauthlaleng talin.
Saisen te-a ka chawi ka hrai duhlengte,
Tui ang damten min chawilen pui a,
Han thlir ve teh maurua iang an tuai lian ve ta,
Ka hlimna tur zawng pawh tahna an chantir e.
I sul i hnu silhpuan leh hlimthla mai hi,
Ka chantawk tur nih tak si chuan,
Puan ang i hlui dawn si lo – aw ka thinlaiah,
Thlir changin suihlunglen dawn a sei thin mang e.
0 Comments