Phuahtu: Dr. Malsawma
Key: G
Kan ram dung leh van hi han tlir vel ila,
Boruak thiang leh zotui fim chawi dam diai e;
Mahse Sikserh ralpui hrang vang hian maw,
Lungdamte a, zan mu chhin a har ngei e.
Sikserh zia chu lu na, khawsik, tlun leh chauh;
Vanduai zual tan famkhaw lamtluang bumboh chu;
Pheikhai rualin SIKSERH ralpui tawn ila,
Doral hnehna hlado kan la chhan ngei ang.
Sikserh sem darhtu chu tho vai lo ni e,
Thisen chakin hringmi run sang rawn bel e;
‘Silen nemte hnuaiah zan mu chhing la,
Chutin thovai hrang lakah i him ngei ang.
Vanduai palha in lamrel ni tawn changin,
Rei rial lovin Efi Ti Di pan thuai la;
Mahni ngaihdan rinthu phuahchawp tlai luatna,
Enkawl hma chu an dam leh hma ngai asin.
Siktui fi tling thovai run nuam lo ni e,
Sakruang bualin hringmi tawanah ral an rel;
Ral dai theu nan run in sumtual vawng fai la,
Chem ang dama nui hiauvin i leng ngei ang.
0 Comments