Siamtu Pathian tan (Lyrics)

Phuahtu: P.S.Chawngthu

Key: G

Thangvan sang, chung si-ar leh, chhawrthla, turnipui eng,

Chhemdam thlifim leh khuanruah sur;

Siahthing hring, hnah nem, par mawi,

Luikawr, suanglungpui nen,

I hming mawi nan an lo ni e.

Engahnge hringmi reng hi thilsiam chunga lengin,

Mal tin sawmsaktu par tawnin;

I kutchhuak sulhnu para lal lai nuam tin chenin,

Duh te’n i lo siam ni ang le?

An theih tawk te chhuah zelin,

Siamtu sakhming mawina;

Thil siam tinrengin an thantir,

Khuanuleng suihlung remin,

Awmdan an thiam ngei e,

An vul zel dawn e, Siamtu tan.

Mi zawng hian hre ve thiam se,

Siamtu sakhming ropui;

Lawmin fak zai rem kan aw e,

Mahse Pa tilunghnurtu,

Thinlai tina renga’n,

Kan piang keini hringfa leng hi.