Phuahtu: C.Zoramliana
Key: E
Lung dam ni awm si lo kan nun khua hi,
Hrilh a hai ngei e, kan chhuahthlanga’n;
Hnam ze mawi awmfan tha a liam mek e,
Thlangtlai tur ni iangin a her luai e.
Hmanah chuan kan pipu te’n hawpkhawp an nei,
Tu dang leng dang an ngai bik nem le;
Tukchhuakin leng zawngte, tlai nilengin,
Zing tianah ram tuanin sawmfang an bel.
Lanu leng val rualte ka sawm vel e,
In thiamna, taimakna hmachhuanin;
Kan tihtur hlen chhuakin thawk zel ila,
An duh ber zo kutchhuak lo ni se.
An mamawh tul tin leh kan duhzawng te,
Anpai leng val hmaah dil lovin;
Mahni kea ding turin pheilai khaiin,
Zawmthawtna, zamzalna hnutiang chhawnin.
Lung ka rualpui zawngte’n engtin ngai maw,
Thing tin par to tin duanna ram hi;
Khuanu ruat malsawmna chang ngei turin,
Ram nuamah Zoram hi i siam ang aw.
0 Comments