Phuahtu: Rokunga
Key:A
Kumsul vei khua thalin, khua a sang hle tun kum chu,
Khuangruahpui sur tum si lo vawiin ni chuan;
Luipui dunga len zai i rel ang aw,
Tah chuan lengngaten laitual an leng an ti.
Lengngha man turin insiam che maw valnema,
Luipui tumbu leh lengnghate kan tawng mahna;
I hnamchem, i kawlzal rawn keng la,
Lengi lung lawm a’n kal che maw valnema.
Luipui dung kan zuk thlengm lengi lung lawm nui ver ver,
Tin, rusum kan thlak e lengngha sumtualah;
Chhei! Nghalenga tuihal a lang zuai zuai,
Lengngha tui te mau rawthei belin kan chhum,
Leni lunglawmin eng dang reng a dawn chang lo,
An nui rite chuan luipui dung a thangkhawk e,
Vala’n len a vawr a man leh ta,
Lengi hlim au ri rawi rawi chu, a-ha ha!
“Chaw kan ei dawn ta e, lo haw r’u,” lengi a aum
Valneman lawmin lo chhang e an nemin;
Chuti kan hlimzia chu ka hril seng lo,
Hlim leh lamwna tawp thang i-hi, a-ha ha!
I hawng tawh ang le, insiam r’u, a tlai ta e,
Tlai pawh var ila, kan in ning chuang lo’ng e,
I hnamchem, i kawlzal rawn keng la (Karei aw)
Lengngha chhung tlai hawntu ber chu keimahni (le, A-ha ha!
0 Comments