Phuahtu: V.Thangzama
Key: D
Hmanah pi pu zaleng rual, sa leh ral thuam anga do,
A chhing zo tur zaleng rual awm thei reng hian ka ring lo;
Hranghlui leng zamual an liam, amin tuaithar te an cho,
Rualtin khum zaleng insiam ‘Y.M.A’ sakhming an ko (an ko)
Ka lenrual lungduhte u, phang loten i pen ang u,
Ram riangte hi kan kurpui, hmatiang sawna kan tulpui;
Ram kalsiam tluang a zau ve, pheikhai then reng a zang e,
Kan luah ngei dawn e, pen r’u, raltiang kai i rel ang u (ang u).
Anpai lengin an hrilfak, kan Zotlang tluana tlawm mak,
Khuavel zawng hian an hai lo, nghilh thei hianin an mawi lo;
Zawmthawth khua tlai a awm lo, lungrual ten hma na hlen fo,
Khuangruah sur hal a awm lo, turni hreang a pawi lem lo (lem lo)
Ami’n sel lo u hmingtha, lo halan ve u chanai tha,
Hleiten dang lo a thang ri, khua tin mawitu a lo ni;
Chanhai riangvai te puitu, thlafam lusun te hnemtu,
Kristian eng chu an lo chhi, duhaisam chu hei ngei hi (ngei hi).
Lanu leng leh kan vla rual, Zoram par chu nagni hi,
In par tin vul a mawi zual, in par zu lah a thlum si;
Hnam tin dawnpui ka nuam e, khuai ang lawiin lo leng se,
Dawnin an ma bil la’ng e, kir zai reng an rel lo’ng e (lo’ng e).
0 Comments