Phuahtu: Rev.H Killuaia
Key: A
Rethei-te mei eng en-a an thut lai-in
Kut tling-lo hmanga hau-sak duh lo la,
Mahni ta mai en lovin lo kir leh la,
Dikna ram thar i din ve zawk ang.
Ro-relna dik chu lui-pui angin luang se,
Fel-na chu luipui kang ngai lo ang in,
Hmangaihna leh remna ramthar min pe la,
Aw Lal-pa khawvar hun kan nghakhlel e.
Riangvai te rap bet a, chanpual laksak a,
Mi fel tihduh-dah a tham-na la-tu,
In nun thei nan-a in chhiatna zawng lo-vin,
Thatna leh dikna i zawng zawk ang u.
Ram hau-sakna sen dan-te hi en vel-in,
Khawnge dikna ti-a rum thin-te hian,
Tu-nge i nih an hrilh chiang lo che em ni?
Chang ve se an chanpual mi-tin-te hian.
Ram lai li-a an awm theina tur zawngin,
Midang tel ve-na reng awm lo tur a,
In leh in, lo leh lo, zawmtir tu-te chuan,
Chungpikna chu an pum-pelh tawp lo-vang.
0 Comments