Rimawi Ram (Lyrics)

Phuahtu: Vankhama

Key: G

Lentupui chawi vel Zotlang kan ram nuam,

Daifim tling khawm siktui thiang luanna;

Hram thiam va tin leh siahthing zar bawm,

Ram awih thiamte’n nilen zai lo sa.

Thala’n hnah hlui lo til, chawr tin duata’n,

Lung tileng thal romei a lo zam,

Thing tin zar an lo vul fur khaw thiangah,

Huiva, rengchal, ngirtling lelthang zaina.

      Kan Zoram rimawi ram leh thiang karah,

      Herhse, khiang leh ngiau par rimin min thawi,

      Lunglen zual tukram chul hlui fan ni hian,

      Thuva di zun zaiin nemte’n lo awi.

 Kawl a lo ngui, zaikung hlui an lo tin,

Kung thar zoawi losul kawrnuleng,

Khua lo thim, pawnga zaiin chhawih mual tin,

Chheri chawmkhuang katchatin lo rem,

Lentu kai vel no nghial chhawrthla engah,

Baki eng lawm zan var buka’n lo chhawn,

Zingtian chinrang lo zai sang thing lerah,

Dawngral lentu kar rengchalpa’n lo zawm.