Raltiang I Kai Ve Ang (Lyrics)

Phuahtu: Rokunga

Key: A

Hnam lungmawl tual kan lenna,

Vangkhua hmun hi sang mah se;

Lung kan mawl e, rairah riang,

Lenrual duhte u, tho r’u,

Raltiang i kai ve ang.

      Raltiang ram saw thlir teh u,

      Hriatna, thiamna, finna ram saw;

      Leng dang mi chu lal lai par tlanin,

      Min ngai loten hlimin an leng si.

Tual kan lenna sang mah se,

Rual kan chhinna awm si lo;

Chutin nun a tawk love,

Sual leh at hnutiang chhawnin,

Raltiang i kai ve ang.

Aw Zoram, lo ding chhuak rawh,

I tan khua a var dawn ta;

Hun sul ang a liam zel e,

Zantiang kawl a liam dawn ta,

Lenkawl a lo eng e.