Phuahtu: Liandala
Key: E
Pi pu chhuahtlang hlui a mawi mang e,
Thar khaw chhuahtlangah dawnlung an rem;
Se hran, sa hrang lu a tlar bung e,
Thanlai siamtu mihrang leng fam awih nan.
Thingte talhkhuang chawm iang an khawng ri,
Kulva mei chang sei bel lian an tar;
Mangpuan an zar dawnlung tlaitlanah,
Zawhzawzopa than lai puan diar tial nen.
Lengin chhawng an hnawt chun hrai leng nen,
Sa leh buhchangrum , baw-ar tui nen;
Zua tin an hlim vangkhawpui an lawm,
Tlai ni nemduai lenkawl thiang karah hian.
Tlai ni tla sen siar sul lo an hmuak,
Hrai tin an ngir e, dai lungrawnah;
Chun an haw, zua haw, zaleng an haw,
Sul tum chalngeng hnutianga’n sul a haw.
Tlai ni tla sen siar sul lo an hmuak,
Hrai tin an ngir e, dai lungrawnah;
Chun an haw, zua haw,, zaleng an haw,
Sul tum chalngeng hnutianga’n sul a haw.
Pi-pu chhuahtlang hlui hi thir ve u,
Thuva te lailen tluang lam zawhna;
Changsil an ngir, dai phulleng an mawi,
Sawmfang lawr tur tuan rel an her liamna.
0 Comments