Nunhlui tahna (Lyrics)

Phuahtu: Edward T.C Hrangate

Key: D

Ka ngai ka rualduhte, khawvel thenna ramah hian,

Thenna kawl a lo her chhuak;

Dawn chang ni hian ka ngai nun hlui liam hnu.

Koh kir theih chang si lo.

Aw, ka ngai nun hlui zamual liam hnu,

Hmanlai in chang ta maw;

Dawn chang ni hian ka ngai nun hlui liam hnu,

Koh kir theih chang si lo.

Lei hringnun dawn changin duhaisam kim thei si lo,

Hlim ni kawlah liam leh thin;

Dam chhung nite a inher danglam zel a,

Chung khuanu ruat a ni.

Hmanlai chang turin ni leh thla kumpui an thar,

Hai ang kan tara hun chuan;

Kan la ngai ngei ang par ang kan vul lai ni,

Thenna khua a sei dawn ngei.