Phuahtu: Rokunga
Key: E
Kumsul lo vei thalin lung a leng e,
Zan khaw thiangah han thllir ila chung si-ar khi;
Lungrualiin laitual an leng e, thangvanah;
Pakhat te te an de siau siau an va mawi em!
Thangvan mawitu chawngmawii chan ka nuam e,
Lawngmi hruaitu Hmar arsi chan ka nuam e,
Mahse, thangvan kal nan kawng a wm thei si lo,
Ka thlir dawn e piallei hmun khawharah hian.
Entu ropui zan lalnu chhawrthlapui khi,
Eng zualin zan tlai bawar kai a rawn deng a;
Ka chung thangvan zawl tual nuama leng turin,
Chhawrthla eng ruai zam vel hnuaiah lai kan leng thin.
Hringmi lai len ve na tur, chhawrhtla eng ruai,
Hringmi lawm nan mai em ni? a ni si lo;
Siamtu ropui chung Pathian mawina tur reng a’n,
Piallei thim a rawn chhun eng, chhawarthalpui khian.
Chhawrthlapui a her liamin khua a var a,
Thlir ila zingtian Varparh arsi eng leh,
Chhaktiang kawla lo chhuak turnipui eng khi,
An enna ropuizia te chu sawi thiam ila,
Chawi ka nuam e, zai mawiin, thil ri mawi nen.
Ni eng mawi leh chhawrthlapui arsiho nen,
An zain an mawi zual e, thlir ka ning lo;
An engah nung tinrengin zai tin kan vawr thin,
I chawi ang u zai mawiin, Siamtu ropui.
0 Comments