Nghilhni I awm dawn lo (Lyrics)

Phuahtu: Zirsangzela Hnamte

Key: G

Dawn ve teh u famlai khawvel,

Hlimni a awm tah chang a awm,

Chutin Lalpan A mi te hnenah,

Thlamuanna ropui a pe thin.

Lalpa duhtak min thlir la,

Thlafam lusun ngai min awm rawh,

Thlarau Thianghlimin min hruai zel la,

Chutin tah lai ka bang nang e.

Awmkhawharin ka dawn thin a,

Tuar thiam a har hrilh thiam a har,

Fam zun leng ngaih tuar zo lo hian,

Tapin luaithli ka nul leh thin.

Nghilhni awm hian ka ring thei lo

Lungrualtea kan lenlai in,

Hawilopar tawn ka lungduh khan,

Rihsang mualpui a liam ta si.

Dan rual loh awmlai vei vangin

Run hmun i rem piallei daiah,

Then nan biahthu min hrilh si lo,

Kha leh chen kan hlim lai zawng khan.