Phuahtu: Lalmuanawma Mathipi
Kiang r’u, zirlai pawlin kal kan thai e,
Kan ram neihchhun kan zoram tan ngei chuanin,
Hmatiang sawn chung zelin, thinlung hmun khat puin,
Kan kal zel dawn, kan chak, theihna zawng nen.
Kiang r’u kan ram hmelma doral lian zawngte,
Hmun in chang lo, he muanna ram mawiah hian,
Hmelma doral zawngte hmachhawna hneh turin,
Kan kal zel dawn kan theihna zawng nen.
Kan kal zel dawn buaina khawdur karah pawh,
Hlimna ni engin kan ram a lo mawi nan;
A tlang, a phai zawng zawngte, nungcha, a rohlu te,
Vawnghim zelin khuavel kan la chhing ngei ang.
Chawl hman kan ni lo, kan nghahfak thlen hmain,
Kan ram naktuk atan vawiin kan hlan si;
Kan hneh ngei ang kan Lalpa, Hnehtu Pathian zarah,
Hnehna chibai kan la inbuk dawn si.
Kan ram leh kan hnam tan kan ding zel dawn e,
Kan ran leh hnam tan kan kal zel dawn e.
0 Comments