Mizoram Tan

Phuahtu: C. Zoramliana

Key: E

Thal favang ni kawl-ah eng no nghial e,

Tlangtin a hring mawi e,

Nungcha leng ten Siah thing zarmawi an bawm,

Hlimten zaivawr in tlaini an awi.

      Kan vanglai hun leh ni zawng te,

      Kan ram tana hlan zel in,

      Fam dairial pawh chang i la,

      Kan sakruang Mizoram tan.

Lanu valrual ten i par kan dawn e,

Vahkhuai iang ang kan lawina,

Tlangtin mual tin Zofa leng zawngte hian,

Suihlung rualte’n aw chawi zel nang e.

Ram tana tuartu thlafam chang tawhte,

Nghilh ni awm thei silo,

Lungduh parvul lai an chuai mai tur hi,

Ka ngaingam lo aw thinlai rukah.

Lungngaih chum zing buaina thleng thin mahse,

Kianni a awm ngai e,

Hliampui tuarin ral lian tawn thin mah la,

Tang fan fan la aw! Lungphang suh la.

Tlang tin mual chuanin ka thlir vawng vawng thin,

Ka hmangaih Zoram nuam;

Rianghlei te’n nui hiaua laitual lenna,

Awih ka nuam e aw kan ram mawi hi.