Mizoram ka pianna (Lyrics)

Phuahtu: Thansanga Chawngthu

Key: E

Mizoram ka pianna ka seilenna,

Siktui thiang leh thlifim te an lenna;

Rengchal, ngirtling, sirve te zai remna,

Rinmawi ram, ka pianna ka seilenna.

Aw, a mawi mang e, kan lenna hi,

Vul chhing chheng par mawi tin te run remna;

Lentu hring leh tlang bawm romei kai chiai,

Mizoram, ka pianna ka seilenna.

Vangkhaw laiah Aizawl, Lunglei, Saiha,

A luipui Tlawng, Tuipui, Tuirial, Tuivai;

A tlang sang Phawngpui, Lengteng, Tawi, Chalfih,

Hrilh lai chang Rih, Tam dil, Palak dil nen.

Then leh rual, u leh nau kan len za-na,

Mizoram, thinlungin ka hmangaih che;

Lusei, Lai, Mara, Hmar, Paite leh Riang,

Hlim te hian zai kan vawr kan ram nuamah.

Kan ram mawi, chul lote’n aw vu reng la,

Chung Pathianin hualin a veng ang che;

I finna leh hmasawnna sang zel se,

Mizoram, ka pianna ka seilenna.