Mizo Zirlai Pawl (lyrics)

Phuahtu: Laltluangliana Khiangte

Insuihkhawm an din Mizo Zirlai Pawl,

An hlan thianghlim hnapui thawk thei ngei turin,

Tlang tin mual tin mawitu Zofa leng zawngte’n,

An din thar zel ram kut ke tangkai turin,

Par chuan an tum zo hnahthlak inzawmkhawm nan,

Phei lai an vawr thlantui bual pawisa lovin,

Zozia tha tin lawra fawhkhawm chung zelin,

An ngir zel dawn Zo chhandam sipai huaisen.

Zir tura inkau lanu-valrual then chuan,

Ni tin zirlai hriat belh duhtawk mai lovin;

Zirlai tharlam an hmu, an chhiar zau zel e,

Ram an thlir-uipui tuilian thlir ngawt lovin,

Natna hrik an hmu, an ten, then fai an chak,

Dik lo an hmu, an hua, siam that ngei ang ngiat,

Sual ziarang an hmu, an thlir, karphawng an duh,

Rilru an siam-ram siamthat duh zirlaite’n.