Phuahtu: Rokunga
Key: E
Lungduh inthenna ram khawvel hmun zauvah hian,
Hlim leh lawmin leng thin mah ila;
Thenna tur ni kawlah a lo chhuak leh si thin,
Rualduh thenna biahthu,”Dam takin,”
Tih reng a bang thei lo.
Dam takin aw zamual chu liam ang che,
Chung Pathian ven zelin kal ta la;
Min theihnghilh suh la englai pawhin,
Kan tawngtainaah kan nghilh lo’ng che,
Lenna tlang dang mah se,
Dam takin kan intawh leh hma zawng.
Damlai khawvel hi zawng thenna tur hmun renga,
Chung Pathian ruat reng a lo ni e;
Mahse, aw, he lei hmun ai pawha nuamzawk chu,
Thenna reng awm lohna khawpui hlun
Ram chu kan hmachhuan e.
Tunah thilai nain lo inthen mah ila,
Chung Pathianin min veng tawn rawh se;
Nakinah then lohna khawpui kan thlen hunin,
Lungngaia inthen hnute lawmin
Intawh leh kan beisei.
0 Comments