Phuahtu: V.Hawla
Key: F
Kan Zoram nuam chhuahthlang hi,
Dawhlung thlafam run rem hmun;
Hmasang pi-pu lungrualna,
Leng zawng ram tuan lungrualna,
Thlafam lung mawl run rem hmun,
Kum sul veia senhri par ianga vulna.
Tlang tin chhuahtlang dawhlung hi
Sa hrang, vangkhaw leng hmuahna;
Tuangtuah par mawiin a bawm,
Phunbung zar mawi a leng vel,
Changsial ki ringmawi tarna,
Hmasang pi-pu thangvan sang kaina hmun chu.
Dawhlung dawhsang rem hmun chu,
Vanghau lal lai dar rikna;
Nemte puan tial mawi zarna,
Vakawl lena lam thaina,
Thang tin chhuah mite uanna,
Sechhun, khuangchawia rauthla run rem hmun chu.
Nun a dang zel, a thar ta,
Hmasang pi-pu nun a bo;
Tunah erawh chung Pathian,
Rauthla leng run hmun nuam chu,
Dawhlung dawhsang a ni lo,
Thangvan run nuam chung Pathian lenna a ni.
0 Comments