Phuahtu:Pateaaa
Lal pian hun pangpat a vul leh ta,
Thinlai mu hnu lunglen a kai tho ve;
Van hnuai mi hril Bethlehem tlang chungah,
Rinin thlain mi an thlawk kai.
Aw, ka Lal nunnem, nangin min hruai zel la,
I chun leh zua kara sen lai nau ang I tahna
Hmun tual ka ngai.
Ngaih a na e, Bethlehem tlangpui,
Tlaini tla eng lenkawl a khum riai e;
Bawng in tlawmah ka Lal riangvai tak tak saw,
A chun riang Marin a chawi e.
Bethlehem Arsi a eng leh ta,
Eden thlan kawnkhar chhung a rawna hchun eng;
Harhin tho r’u, Eden khau a var ta,
Kan tum ram chu i pan zel ang.
A va mawi em, Lalna ram thing chu!
Kan tan Bethlehem tlang a lo vul ta;
Hmana pi leh puten an hmuh phak loh,
Saron par tlanin kan leng e.
0 Comments