Phuahtu:Thansanga Chawngthu
Key: E
Zoram khuavel kan lenna, Thlir changin thinlai a hlim,
A mawi, a nuam tlang tin ram tin hi;
Siktui thiang leh zo thlifim, Lentu hring leh par mawi te,
Lenlai kan chen nui hiauvin, A-ha-ha!
Chhing zo aw thei tak ang maw! Hrihfiah thiam awm tak ang maw!
Rimawi khawvel kan Zoram nuam hi;
Sirvate’n hla mawi an rem, Rengchalpa’n zaiin lo chhawn,
‘Hualreu, hualreu,’ haudang leng hlim thawm nen.
Mahse maw, thinlai a na, ka thlir ngam lo khuavel hi,
Chengrang a au, hnamtur a leng vel;
Lengngha sumtual fam rolung, Ramsate’n rihsang an kai,
Nungcha an vai, fam dairial an chan chu.
Zawlneiin a o hril chu, A chengte suahsual vangin,
Rmsa leh savate an ral zo;
Lung kan mawl luat vang em ni, Hlimlai ni kawlrawn a hnim,
‘min chhan r’u,’ an ti e, nungcha lengten.
Nang leh kei hi in au ve, ‘Min chhan r’u, kan boral dawn’,
Nungchate aurawl a thangkhawk e;
Luaithli nulin ni an chuan, hmangaihtu hmel an vai e,
Khuanuleng thinlai zawng a na ngei ang.
Ka saw vel e leng zawng te, Hmangaihna pangpar tawna,
Nungchate humhalha tang turin;
Thangin an lo pung ang a, Hlom leh lawmin an leng ang,
‘Kan lo vul leh dawn khuavel ram zauvah hian.’
0 Comments